Nur Otan партиялық бақылау комитетінің кезекті отырысында еңбек және әлеуметтік қорғау министрлігі мен ұлттық экономика министрлігі «Еңбек» мемлекеттік бағдарламасын тиісінше жүзеге асырған жоқ деген байлам жасалды.
ERNUR.KZ. Еңбек вице-министрі Ержан Біржановқа «ескерту» түріндегі партиялық жауапкершілікке тарту, сондай-ақ Қарағанды, Түркістан облыстарындағы жұмыспен қамтуды үйлестіру және әлеуметтік бағдарламалар басқармаларының басшылары Әсем Жүніспекова мен Әсия Темірбаеваға «ескертпе» түріндегі партиялық жаза қолдану ұсынылды, деп жазады inbusiness.kz.
Басқосу барысында қос министрлікке жұмыспен қамту бағдарламасын бағалау әдістемесін әзірлеу, бекіту, оны ғылыми ортада талқылау және жыл сайын бағдарламаны жүзеге асыру нәтижелерін ашық ақпарат көздерінде жариялау міндетін жүктеу бастамасы көтерілді.
![](/assets/thumbnails/af/af0c83bad496dfbd5531c69edad783ab.jpg ""Байдың қызын алмағанына ренжіп, он жыл бойы қорлап келген" - шымкенттік келіннің шері")
