Қоғамды дүрліктірген ақпаратты тексеру мақсатында Республикалық комиссия жұмыс істеді.
ERNUR.KZ. Соңғы уақытта бұқаралық ақпарат құралдарында Зайсан ауданы, Шілікті ауылдық округінде белгісіз індеттен мал қырылып жатыр деген ақпарат тағы да жариялана бастады, деп жазады zakon.kz.
Қоғамды дүрліктірген ақпаратты тексеру мақсатында 27-28 маусымда ҚР АШМ Ветеринарлық бақылау және қадағалау комитеті төрағасының міндетін атқарушы Бауыржан Абызбаевтың төрағалығымен, облыстың ветеринарлық қызметі, аудан әкімдігі мен мал иелерінің қатысуымен Республикалық комиссия жұмыс істеді.
Аталмыш Республикалық комиссия малдың «жұқпалы аурулардан жаппай қырылу» фактісінің жоқтығын тағы да растады.
Естеріңізге салсақ, осыған дейін мамыр айының ортасында Шілікті ауылында тексеру жүргізіліп, 25 маусымда ҚР Ауыл шаруашылығы министрлігі бұл ақпараттарды теріске шығарып, Шығыс Қазақстан облысында аса қауіпті аурудан мал қырылып жатыр деген ақпарат жалған және ондай дерек мүлде тіркелмегені айтылды.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
