Жамбыл мен Түркістан шекарасындағы жолда 100-ге жуық жүк көлігі тұрып қалды

29.11.2020 07:57

685

Жүк көліктерінің жиналуына осы аумақта 6 жеңіл көліктің соқтығысуы себепші болды.

Жамбыл мен Түркістан облысының шекарасындағы жол учаскесінде 100-ге жуық жүк көлігі тұрып қалды, деп хабарлайды ERNUR.KZ Жамбыл облысының ТЖД-на сілтеме жасап.

«Қазіргі таңда Түркістан облысы жағынан 585 шақырым жерде 200 метрге жуық жерді қалың қар басып қалды. Ал Жамбыл облысы бағытының 564-567 шақырымында 300 метрге жуық жерде қар қалың жаууы салдарынан 100-ге жуық жүк көлік жолдың аталған бөлігін тазартуды күтіп тұр. Жүк көліктерінің жиналуына осы аумақта 6 жеңіл көліктің соқтығысуы себепші болды», деп жазады ведомствоның әлеуметтік желідегі парақшасында.

Аталған учаскелерде ТЖ департаментінің және жол қызметінің қызметкерлері жұмыс істеп жүр. Таяу арада көліктің барлық түрі үшін қозғалыс бағытын ашу жоспарланып отыр.

Қазір Түркістан облысы тарапынан Жамбыл облысына полиция департаментінің қызметкерлері жеңіл автокөліктерді алып жүре бастады.