Жамбыл облысында 44 оқушы мен мұғалімнің улану фактісін полицейлер тексеріп жатыр

ERNUR.KZ. Жамбыл облысында 44 оқушы мен мұғалімнің улану фактісі бойынша полицейлер тексеріс жүргізіп жатыр, деп жазады Stan.kz

“Аталған факті бойынша Байзақ аудандық ішкі істер бөліміне ҚР ҚК 304-бабының 1-бөлігімен (санитариялық ережелерді немесе гигиеналық нормаларды бұзу) ТЖК тіркеліп, қажетті тергеу шаралары жүргізілуде”, – делінген облыстық прокуратураның мәліметінде.

Тергеу барысы прокуратураның бақылауында екені айтылған.

7 қараша күні Сарыкемер ауылындағы Н.Киікбаев атындағы мектеп-гимназиясының 44 оқушысы мен екі мұғалімі тамақтан улану белгілерімен Байзақ ауданы орталық ауруханасының жұқпалы аурулар бөліміне түскен.

Прокуратура 35 адамның (33 студент пен екі мұғалім) ауруханаға жатқызылғанын хабарлады. Санитарлық-эпидемиологиялық қызмет тиісті тексеруді тағайындаған. Жамбыл облысының әкімі Ербол Қарашүкеевтің тапсырмасы бойынша комиссия құрылған.