Жоғарғы Сот Кеңесінің Төрағасы қызметінен босатылды

фото: Тұрар Қазанғапов ©

Бүгін ҚР Президенті Нұрсұлтан Назарбаев бірқатар кадрлық тағайындаулар туралы жарлыққа қол қойды,-деп хабарлайды ERNUR.KZ АҚОРДАҒА сілтеме жасап.

ҚР Президенті Нұрсұлтан Назарбаевтың Жарлығымен Нұрлан Ермекбаев Дін істері және азаматтық қоғам министрі қызметінен босатылып, Қазақстан Республикасы Президентінің көмекшісі – Қауіпсіздік Кеңесінің хатшысы қызметіне тағайындалды.

Ал, аталған министрлікке басшы болып, Елбасы жарлығымен Дархан Қалетаев тағайындалды. Осы тағайындалуға байланысты оның Парламент Сенатының депутаттық өкілеттігі тоқтатылды.

Сондай-ақ, Мемлекет басшысының Жарлықтарымен басқа жұмысқа ауысуларына байланысты

Анатолий Смолин Қазақстан Республикасы Жоғары Сот Кеңесінің Төрағасы қызметінен;

Владимир Жұмақанов Қазақстан Республикасы Президентінің көмекшісі – Қауіпсіздік Кеңесінің хатшысы қызметінен босатылды.

Қазақстан Республикасы Жоғары Сот Кеңесінің Төрағасы болып Талғат Донақов тағайындалды. Осы тағайындауға байланысты ол Қазақстан Республикасы Президентінің Әкімшілігі Басшысының орынбасары қызметінен босатылды.