Жыл басынан бері зейнетақы төлеуге 1,9 трлн теңгеден астам қаржы жұмсалды

Еңбек және халықты әлеуметтік қорғау министрлігінің мәліметінше, оның ішінде ынтымақты зейнетақы мөлшері – 83 092 теңге, базалық зейнетақы – 37 831теңге.

"Жыл басынан бері республикалық бюджеттен 1 трлн 924,5 млрд теңге сомасына зейнетақы төленді, оның ішінде базалық зейнетақы – 590,6 млрд теңге, ынтымақты зейнетақы – 1 трлн 333,9 млрд теңге", - делінген министрлік хабарламасында.

Ал зейнеткерлер саны – 2 млн 301 мың адам.

Айта кетейік, 2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалады.

Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары төленген кезеңдер зейнетақы жүйесіндегі еңбек өтіліне қосылады.