Зорлық-зомбылықтың​ алдын алу бойынша Telegram чат-каналы құрылды

иллюстрациялық фото: ашық дереккөзден

Қазақстанда кәмелет жасына толмағандарға қатысты құқық бұзушылықтың, зорлық-зомбылықтың алдын алу мақсатында арнай чат-каналы ашылды, деп хабарлайды ERNUR.KZ.

Қазақстан Республикасы Білім және ғылым министрлігінің Балалардың құқықтарын қорғау комитеті кәмелетке толмағандарға қатысты құқық бұзушылық, зорлық-зомбылық, сондай-ақ педагогтардың әдепке жатпайтын мінез-құлық фактілері туралы хабарламаларды анықтау мақсатында Telegram мессенджерінде "Bala QORGAÝ" (Бала Қорғау) чат-каналы іске қосылды.

Егер Сізге жоғарыда көрсетілген фактілер туралы белгілі болса,облыс, аудан, ауыл, білім беру ұйымының атауы көрсете отырып, аталған чатқа ақпаратты жіберуге болады.

Аталған сілтемелер ҚР БҒМ Балалардың құқықтарын қорғау комитеті тарапынан шұғыл шаралар қабылдау үшін құзыретті органдарға жіберілетін болады.