«21 жыл күттім»: Өмірқұл Айниязов ұзақ аңсаған қызының тұсаукесерін жасады

Өмірқұл Айниязов Алматының төрінде 300 адамға үлкен дастархан жайды. 21 аңсап күткен Айсезім қызының тұсаукесерінде Рамазан Стамғазиев, Жанар Айжанова бастаған өнер иелері құрметті қонақ болды.

Әнші қуанышы жайлы: «Өмірқұл Айниязовтың тойы – қазақи, оның үстіне тұсаукесер той болғандықтан шоу жасауды ойламадым. Бәрі дәстүрлі түрде өтті», - деді.

Ал Айсезім қыздың тұсауын кесу рәсімі дәстүрлі әнші Сәуле Жиреншинаға бұйырды. Дәстүрлі әнші Рамазан Стамғазиев тойды ашып берсе, «Алатау серілері» бұл тойдың көркі болдды. Әкесі қызына арнайы ән жаздырып, естелік видео дайындапты.