Қыдырәлі Болманов: "Бұл қып-қызыл жала!"

Қыдырәлі Болманов өзіне қатысты туындаған дауға жауап берді. Оның айтуынша, белгілі қолөнершінің шағымы қып-қызыл жала, әрі ішінде қаңбақ сөз де, ғайбат сөз де өте көп екен. Бұл туралы продюсер өзінің инстаграм әлеуметтік желісінде жазды.

Қыдырәлі Болманов: "Құрметті БАҚ өкілдері және әлеуметтік желі қолданушылары! Бізге қатысты шудың желі тез көтерілуде. Бұл қып-қызыл жала ! Ішінде қаңбақ сөз де,ғайбат сөз де өте көп. Ырза Тұрсынзада апайымызбен арадағы істің ақ-қарасын ашық айтатын күн алыс емес. Журналистермен кездесіп, заңды құжаттар мен фактілер бойынша жауап берсек дейміз. Өтетін орны мен уақыты толығырақ тағы xабарланады. Әзірге айтарым осы ғана".

Жақын күндері бар шындықты айтамыз деген продюсерге жанкүйерлері сәттілік тілеп, оларды Алла қолдауын тілеп жатыр.

Фото:karakat_a

ERNUR.KZ