«GREEN CROSS ECO»: Шымкентте жылына 200 млн дана инсулинды инелер өндіріледі

0
778

Қала әкімі кәсіпорынның қазіргі жағдайымен және болашақ жоспарларымен танысты.


«GREEN CROSS ECO»: Шымкентте жылына 200 млн дана инсулинды инелер өндіріледі

Шымкенттегі «GREEN CROSS ECO» ЖШС жылына 200 млн дана инсулинды инелер шығаруға қауқарлы, деп хабарлайды ERNUR.KZ.

Медицинада адам өмірі үшін аса маңызды инсулинды инелер енді өзімізде өндіріледі. «Тассай» индустриалды аймағында орналасқан «GREEN CROSS ECO» ЖШС жылына 200 млн дана шприцтерге арналған инсулинды инелер өндіруге қауқарлы.
Бұрын инсулинды инелер шетелден әкелінетін. Жаңа бағыттағы өндіріс орны өзімізді қамтып қана қоймай, шетел нарығына шығаруды көздеуде.
Жоба құны - 500 млн тенге. 55 жаңа жұмыс орны құрылады. Өндіріс орнын 2020-2021 жылдары іске асыру межеленген. Бүгінде құрылыс монтаж жұмыстары 100 % толық аяқталды. Қазір құрылғыларды орнату жұмыстары атқарылуда.
Қала әкімі кәсіпорынның қазіргі жағдайымен және болашақ жоспарларымен танысты.
– Шығарылатын өнімдерге сұраныс бар. Өзімізде өндірілген фармацевтика өнімдерді кеңінен қолдау қажет – деді қала әкімі.
Жаңа кәсіпорын медициналық бұйымдар өндірісіне осылайша серпін бермек. Шаһар басшысы бұл бағытта жергілікті кадрларды даярлау және жұмысқа тартудың маңызына да тоқталып өтті.