Рейд барысында газ дабылқаққыштар орнатылды.
"Өрт қауіпсіздігі айлығы" аясында Шымкент қаласының барлық аумағында профилактикалық іс-шаралар жүргізілуде, деп хабарлайды ERNUR.KZ.
Әлеуметтік қорғалмаған, көп балалы отбасыларға, қиын өмірлік жағдайға тап болған отбасыларға ерекше көңіл бөлінеді.
Бұл бағыттағы жұмысты Әл-Фараби аудандық Төтенше жағдай басқармасының қызметкерлері жергілікті атқарушы органмен бірлесіп жүргізді. Аудан әкімі Р.Мыңбаев пен Әл-Фараби ауданы ТЖБ бастығы Б.Расулов Ескі қала шағынауданында тұратын отбасыларды аралап шықты.
Өзбек және Бостандық көшелеріндегі жоғарыда аталған отбасылар тұратын үйлерді тексеру бойынша бірлескен рейд барысында газ дабылқаққыштар орнатылды.
Отбасыларды аралау кезінде өрт қауіпсіздігі мәселесіне ерекше назар аударылады. Ересектерге жылыту пештері мен электр құралдарын пайдалану кезінде өрт қауіпсіздігінің негізгі ережелері еске салынады.
Көп балалы отбасының ата-аналарын балаларын қараусыз қалдырмауға, оларды отпен абайсызда жұмыс істеуден және балалардың тентек қылықтарынан сақтандыруға, сондай-ақ өрт шыққан жағдайда қалай әрекет етуге және өрт сөндіру қызметін шақыруға үйретуге шақырды.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
