ШЫМКЕНТ: Бас санитар дәрігердің Ashyq жобасына қатысты жаңа қаулысы шықты

Шымкенттің бас мемлекеттік санитарлық дәрігері Ashyq жобасына қатысушылардың жұмыс кестесі көрсетілген жаңа қаулыға қол қойды, деп хабарлайды ERNUR.KZ.

Құжатта мейрамхана, дәмхана және кофехана сияқты қоғамдық тамақтану нысандары 50% дейін толтырылған жағдайда сағат 07:00-ден 02:00-ге дейін жұмыс істей алатыны айтылған. Бірақ нысандағы жүктелім 70 орыннан аспауы керек.

Жазғы алаңдар, сауна мен моншалар, СПА орталықтары Ashyq жүйесінде әдеттегі режимде жұмыс істейді.

Ashyq жүйесіне қатысушы фудкорттарға 30% дейін толтырылған жағдайда сағат 10:00-ден 00:00-ге дейін жұмыс істеуге рұқсат. Бірақ орындар саны 50-ден аспауы керек.

Театрлар, кинотеатрлар, концерт залдары, филармониялар, боулингтер, цирктер толымдылығы 50% аспай жұмыс істей алады. Ал PlayStation клубтары мен компьютерлік клубтар толымдығы 60% аспауы шарт.

Банкет залдары бір адамға кемінде 4 шаршы метр алаңды қамтамасыз ету арқылы сағат 07:00-ден 02:00-ге дейін жұмыс істей алады. Толымдық 50%-дан, орын саны 70-тен аспауы керек.

Караоке нысандарына 50% жүктеліммен, орын санын 60 адамнан асырмай сағат 07:00-ден 02:00-ге дейін жұмыс істеуге рұқсат етіледі.

Көрмелер бір адамға 6 шаршы метрден кем болмайтын алаңмен қамтамасыз етілген жағдайда келуші санын бір уақытта 250-ден асырмай, толымдықты 70%-дан асырмай қызмет көрсете алады.

Қаулының толық нұсқасына мына сілтеме арқылы өтуге болады.