ШЫМКЕНТ: Басшылық қызмет бабында ерлікпен қаза тапқан полиция қызметкерінің анасын құттықтады

08.03.2020 10:15

1 119

Ерлікпен қаза тапқан полицейдің анасы полицейлерге көңіл бөлгені, қамқорлығы мен қолдауы үшін алғыс айтты.

8 наурыз мерекесі қарсаңында Шымкент қаласы Полиция департаментінің басшылығы қызмет бабында ерлікпен қаза тапқан полиция қызметкерінің отбасына барды, деп хабарлайды ERNUR.KZ.

Көктемгі мереке қарсаңында Департамент бастығының міндетін атқарушы полиция полковнигі М. Алтаев пен Департамент бастығының орынбасары полиция полковнигі А. Әмзеев 2009 жылы Алматы қаласында қызметтік міндеттерін атқару кезінде ерлікпен қаза тапқан аға лейтенанты Тайыр Шералиевтың анасы Перизат Ерманқызымен кездесуге үйіне барды.

Қаза тапқан полиция қызметкерлерінің отбасымен бірнеше жыл бойы достық және жылы қарым-қатынасты орнатып, көктем мерекесі қарсаңында оған жылу мен көктемгі көңіл-күйдің бір бөлігін сыйлады.

Полиция қызметкерлері Перизат Ерманқызына естелік сыйлық сыйлап, оның денсаулық жағдайын сұрап, амандық, рух сергектігін, мықты денсаулық және ұзақ өмір тіледі. Сондай-ақ Перизат Ерманқызы әрдайым көмекке және тәртіп сақшылары тарапынан кез-келген көмек көрсетуге сенім артатынын еске салды.

Өз кезегінде, ерлікпен қаза тапқан полицейдің анасы полицейлерге көңіл бөлгені, қамқорлығы мен қолдауы үшін алғыс айтты.