Ирригациялық жүйелерді жақсарту және су басуды алдын алу шаралары бүгін қала әкімі Мұрат Әйтеновтің қатысуымен өткен арнайы жиында талқыланды.
Шымкент қаласындағы жауын-шашыннан болатын орындардың мәселесі шешіліп жатыр, деп хабарлайды ERNUR.KZ.
Бүгінде қала аумағында жауын-шашыннан су жиналатын 58 орын бар, оның 9-ы магистралды орталық көшелерде. Биыл осындай 6 қауіпті нүктенің мәселесі шешімін тапты. Ирригацияны жақсартуда атқарылған кешенді шаралардың нәтижесінде өткен жауынды күндерде қалада су жиналатын орындардың азайғаны байқалды.
Дегенмен, бұл бағытта атқарылатын жұмыстар әлі қыруар. Ирригациялық жүйелерді жақсарту және су басуды алдын алу шаралары бүгін қала әкімі Мұрат Әйтеновтің қатысуымен өткен арнайы жиында талқыланды. Қалалық жайлы ортаны дамыту басқармасы мен жергілікті аудан әкімдіктері тарапынан осы бағытта атқарылған жұмыстар пысықталып, алдағы жоспарлар бекітілді.
