ШЫМКЕНТ: Қала әкімінің орынбасары құрылыс жүріп жатқан нысандарды аралады

10.08.2021 13:32

545

Жалпы биыл шаһарда 21,9 шақырымдық 9 магистарды көшеде орташа жөндеу жұмыстары жүргізіліп жатыр.

Шымкент қаласы әкімінің орынбасары Мақсұт Исахов қаладағы құрылысы жүріп жатқан жолдардың сапасын бақылау мақсатында бірқатар нысандарды аралады, деп хабарлайды ERNUR.KZ.

Жалпы биыл шаһарда 21, 9 шақырымдық 9 магистарды көшеде орташа жөндеу жұмыстары жүргізіліп жатыр. Олардың қатарында Б.Момышұлы, Бәйтереков, Рысқұлов, Тәшенов, Иляев, Шаяхметов, Ақназар хан және Клара Цеткин көшелері бар.

Мәселен, дәл қазіргі уақытта Бәйтереков көшесінде жаяу жүргіншілер жолы мен веложол салу жұмыстары атқарылуда. Жөнделетін көшенің ұзындығы 2 шақырымды құрайды. Жауапты мердігер мекеме – «Профиленд» ЖШС.

Жалпы жол құрылыстары жоспар бойынша қараша айының соңына дейін толық аяқталады деп күтілуде.