Шымкентте 7 күнінде 7 мыңға жуық әкімшілік құқықбұзушылық анықталды

Осы жылдың 23-30 қараша аралығында қала аумағында «Құқықтық тәртіп» жедел-профилактикалық іс-шарасы өткізді. Аталған іс-шараның мақсаты қала аумағында тиісті қоғамдық тәртіпті сақтау және қамтамасыз ету, көшелер мен қоғамдық орындарда құқық бұзушылықтар мен қылмыстардың алдын алу және жолын кесу болып табылады. Іс-шараның 7 күнінде 6611 әкімшілік құқықбұзушылық анықталды. Оның ішінде:

- Ұсақ бұзақылық – 933 жайт;

- Тыныштықты бұзу - 547;

- Қоғамдық орында мас күйде болу немесе спирттік ішімдік ішу -1055;

- Кәмелетке толмағандардың түнгі уақытта ойын-сауық мекемелерінде болуы -487;

- ҚР тiркеусiз не жеке басты куәландыратын құжаттарсыз тұру -1583;

- Көлiк құралдарымен жүру кезiнде қауiпсiздiк белдіктерiн пайдаланбау -658;

- Жаяу жүргiншiлердiң және жол жүрісіне өзге де қатысушылардың жол жүрісі қағидаларын бұзуы -1097; т.б. құқықбұзушылықтар.