Шымкентте 7892 құқық бұзушылық анықталды

09.02.2021 12:07

2 556

Қайыршылық жасап жүрген 506 тұлға анықталды.

Шымкент қаласы Полиция департаменті бастығының бұйрығына сәйкес осы жылдың 13 қаңтары мен 13 ақпан аралығында «Таза қала» профилактикалық іс-шарасы өтіп жатыр, деп хабарлайды ERNUR.KZ.

Іс-шараның мақсаты қала аумағында жасыл екпелерді жою және бүлдіру, күл қоқыс тастау жайттарын анықтау, қоғамдық орындар мен көшелерде тәртіпті сақтау болып табылады.

Сондай-ақ, аталған іс-шараның барысында қайыршылар мен қаңғыбастықпен айналысатын адамдарды қабылдап-тарату орнына орналастыру. I лар бойынша әкімшілік шаралар қолдану, есепте тұрған тұлғаларды мекенжайы бойынша тексеру жұмыстары жүргізілуде.

Іс-шараның басынан бастап осы күнге дейін барлығы 7892 құқық бұзушылық анықталды.

Қайыршылық жасап жүрген 506 тұлға анықталып, оларға қатысты ҚР ӘҚБтК-нің 449-бабымен хаттама толтырылды.

Қабылдап-тарату орынына 48 тұлға орналастырылды. Жалға берілетін 2980 пәтер тексерілді. Карантин режимін бұзған 722 нысан анықталды. ІІО-ы есебінде тұрған 5516 тұлға мекенжайы бойынша тексерілді.

Полиция басқармаларына 4611тұлға жеткізіліп, қол-саусақ іздері алынды.