Жобаның бюджеті – 1,6 млрд теңге.
Шымкентте Қазақстандағы алғашқы балалардың ерте мүгедектігі анықтайтын орталық ашылды, деп хабарлайды ERNUR.KZ.
Жыл сайын дамуында кемістігі бар және олардың туындау қаупі бар 600 жас бала орталықта абилитациялық және оңалту көмегін алады, сондай-ақ диагностикалық аудиологиялық тексеруден және соңғы жабдықта мидың ЭЭГ-нен өте алады. Балалармен реабилитолог-дәрігерлерден, неврологтардан, ЕДШ нұсқаушыларынан, кәсіптік терапевттерден, логопедтерден және дефектологтардан тұратын мамандардың көпсалалы тобы жұмыс істейді. Мамандардың негізгі құрамы арнайы оқытудан өтті.
«Ерте араласу орталығы шала туылу, церебральды сал ауруы, Даун синдромы, туа біткен ақаулар, босану жарақаттары, орталық жүйке жүйесінің зақымдануы, прогрессивті бұлшықет дистрофиясы және т.б. диагноздары бар балаларды қабылдайды. Орталық жұмысының негізгі мақсаты – балалар мүгедектігіне жол бермеу. Сондықтан бала өмірінің алғашқы айларынан бастап оған білікті кешенді көмек көрсету өте маңызды», - деді «№2 Оңалту орталығы» ШЖҚ МКК бас дәрігері Айгүл Сапарғалиева.
Ерте араласу орталығы «Қазақстан халқына» қорының «Қамқорлық қоры» және «Samruk-Kazyna Trust»қорларымен бірлесіп іске асыратын «Ерте араласу орталықтарын жарақтандыру» қайырымдылық жобасы шеңберінде құрылды. Жобаның бюджеті – 1,6 млрд теңге. Шымкенттегі ерте араласу орталығы Қазақстанда жоспарланған 13 орталықтың алғашқысы.
«Қазақстанда дамуында бұзылыстар пайда болу қаупі жоғары балаларға ерте диагностика және ерте абилитациялық көмек көрсету қажеттілігінің мәселесі өзекті. Өмірдің алғашқы айлары мен жасынан бастап дұрыс жүргізілген диагностика мен түзету өзгерістерді жеңілдетіп қана қоймай, сонымен қатар жаңа бұзылыстардың пайда болуына жол бермейді, әрібаланың өмір сүру сапасына жақсаруына қол жеткізуге мүмкіндік береді. Бүкіл ел бойынша ашылатын 13 орталықта біз ең заманауи жабдықтармен жабдықтап, жергілікті мамандарды оқытамыз. Басқа өңірлердегіауруханалар үшін осы орталықтар үлгі болуы тиіс», – деді Қазақстан халқына» қорының Басқарма төрағасы Болат Жәмішев.
Жобасының бастамашысы – «Қамқорлық қоры» мамандарды оқытуды ұйымдастырды. «Қазақстан халқына» қоры және «Самұрық-Қазына» АҚ компаниялар тобының қайырымдылық қызметінің бірыңғай операторы –«Samruk-Kazyna Trust» әлеуметтік жобаларды дамыту қоры медициналық жабдықтарды сатып алуды қаржыландырды. Еңбек және халықты әлеуметтік қорғау министрлігі жобаны іске асыру мәселелерінде өңірлік жұмыспен қамту және әлеуметтік бағдарламалар басқармаларының жұмысын үйлестіруді жүзеге асырады. Әкімдіктер инфрақұрылымды іріктеу, жөндеуді қаржыландыру, орталықтарда жұмыс істеу үшін кадрларды іріктеу бойынша жұмыс жүргізуде.
Жалпы Алматы, Атырау, Шығыс Қазақстан, Жамбыл, Батыс Қазақстан, Қарағанды, Қызылорда, Қостанай, Павлодар, Солтүстік Қазақстан, Түркістан облыстарының, Шымкент және Алматы қалаларының өңірлік ауруханалары мен перинаталдық орталықтарында 13 ерте араласу орталықтарын құру жоспарлануда.
