Шымкентте есірткі жасырған қыз 6 жылға сотталды

13.12.2023 15:51

541

Тексеру барысында оның сөмкесінен 6 дана бір реттік доза салынған «синтетика» табылған.

ERNUR.KZ. Шымкентте есірткі жасырған қыз 6 жылға бас бостандығынан айырылды.

Бұл туралы Шымкент қаласы полиция Департаментінің баспасөз қызметі хабарлады.

29 жастағы бикешті Тұран АПБ-ның қызметкерлері ұстады. Тексеру барысында оның сөмкесінен 6 дана бір реттік доза салынған «синтетика» табылып, тәркіленді. Тағы екеуін жасырып үлгергені анықталды. Сондай-ақ, күдіктінің өзі де есірткі қабылдағаны белгілі болды.

Анықталғандай, ол есірткі салынған пакеттерді Шымкентте тарату үшін Тараздағы жасырын жерден алып кеткен.

Ұсталған азаматшаның айтуынша, есірткіні ұзақ уақыттан бері қолданып жүргендіктен ақша табу үшін ғана емес, біразын өзіне қалдыру үшін есірткі қоюшы болуды шешкен.

Полиция оның үстінен Қылмыстық кодекстің 297-бабы бойынша іс қозғалып, тергеуді аяқталған соң осы жайт бойынша жинақталған материалдар сотқа жіберілген.

Сот азаматшаны есірткі заттарын өткізумен байланысты аса ауыр қылмыс жасағаны үшін кінәлі деп танып, 6 жылға бас бостандығынан айырған.