Шымкентте санитарлық талаптарды сақтамаған 13 білім мекемесіне айыппұл салынды

Шымкентте санитарлық талаптарды бұзған 13 мектеп анықталды, деп хабарлайды ERNUR.KZ.

Бұл туралы қалалық Білім басқармасының басшысы Жанат Тәжиева мәлімдеді.

- Пандемия жағдайына байланысты санитарлық талаптарды сақтамаған 13 мектеп анықталды. Білім беретін мекеме басшыларына түсіндіру жұмыстары жүргізіліп, айыппұл салынды, - дейді Жанат Арыстанбекқызы.

Қалада санитарлық қажеттіліктерді сатып алу үшін мекемелерге 66 842,9 мың тг. қаржы қаралған. Қазіргі таңда барлық білім беру ұйымдары толығымен санитарлық қажеттіліктермен қамтамасыз етілген.