Шымкентте тұрғын үйде өрт шығып, төбе жаппасы мен жиһаздары жанып кеткен

Шымкент қаласы Қайтпас-2 мөлтек ауданында жеке тұрғын үйден өрт шыққан, деп хабарлайды ERNUR.KZ.

Шымкент қаласы Қайтпас-2 мөлтек ауданындағы Жерұйық көшесінде жеке тұрғын үйде өрт шыққан және оқиға орнына келген өрт сөндірушілер тілсіз жауды 26 минут ішінде толық сөндірген.

Сондай-ақ, үйдің төбе жаппасы мен жиһаздар жанғанымен, зардап шеккендер және қайтыс болғандар жоқ.

Айта кетейік, осындай оқиғалардың алдын алу мақсатында Қаратау ауданы ТЖ бөлімінің мамандары үгіт-насихат жұмыстарын арттырып, жеке тұрғын үйде тұрмыстағы өрт қауіпсіздік, жылыту пешін және газ қондырғысын пайдалану кезіндегі ережелерді сақтау бойынша тұрғындардың арасында түсіндірме жұмыстарын жүргізіп жатыр.