Шымкентте үш мың бейнебақылау камераларын орнатуды жоспарланып отыр

Шымкент қаласында 2024 жылы мекенжай бағдарламасы бойынша бірінші жартыжылдықта 1500 бейнебақылау камераларын орнату жоспарланған, оның ішінде 1200 қоғамдық қауіпсіздік саласы және 300 жол қауіпсіздік саласы бойынша (автоматты түрде жол ережелерін анықтайтын камералар). Бұдан бөлек, екінші жартыжылдықта қосымша 1 500 камера орнатылатын болады, яғни жалпы 3000 бейнебақылау камераларын орнатуды жоспарланып отыр.

Бұл туралы Шымкент қаласының Өңірлік Коммуникациялар қызметі алаңында Жергілікті полиция қызмет басқармасының бастығы, полиция полковнигі Ұлықбек Мылтықовтың қатысуымен 2023 жылдың қорытындысы, Шымкент қаласында қоғамдық тәртіп пен қауіпсіздікті қамтамасыз ету, келер жылға арналған жоспарлар мен жетістіктер туралы баспасөз конференциясында айтылды.

Ұлықбек Мылтықовтың айтуынша, Шымкент қаласында мекенжай бағдарламасына сәйкес, 3868 бейнебақылау камералары орнатылған. Оның ішінде, 3177 «Сергек» камералары. Бұл бағытта жүйелі түрде жұмыстар атқару нәтижесінде, қаламызда 12855 бейнебақылау камералары Жедел басқару орталығына интеграцияланған. Оның ішінде, 3446 білім орталықтарында, «Қауіпсіз қала» қағидаты бойынша «Қазактелеком» акционерлік қоғамы бұлтты бақылау (облачное наблюдение) 2460 және 1851 темір жол, жер асты өткелдерде, денсаулық сақтау объектілерінде, үй аулалары мен базар аумақтарында орнатылған.

Сонымен қатар, полиция полковнигі қоғамдық тәртіпті сақтау, ел азаматтарының мүддесі мен тыныштығын және қауіпсіздігін қамтамасыз ету полицияның басты міндеті болып табылатындығын да атап өтті. Жалпы, қабылданып жатқан шаралардың нәтижесінде, қазіргі уақытта Шымкент қаласы бойынша жалпы криминогендік ахуал тұрақты.