Қазіргі таңда қолданыстағы кәріз тазалау имаратының қуаттылығы тәулігіне 150 мың текше метр суды тазалауда.
Шымкент қаласында кәріз тазалау имаратының қуаттылығын қосымша 50 мыңға көтеру жобасын іске қосу жоспарлануда, деп хабарлайды ERNUR.KZ.
Жобалау құжаттары әзірленген. Биыл желтоқсан айында сараптама қарауына жолданады және 2021-2022 жылдары құрылыс жұмыстарын жүргізу жоспарланып отыр. Бұл туралы қалалық энергетика және коммуналдық-шаруашылық басқармасы басшысы Жолшыбек Шайхсламов мәлімдеді.
Қазіргі таңда қолданыстағы кәріз тазалау имаратының қуаттылығы тәулігіне 150 мың текше метр суды тазалауда. Қолданыстағы кәріз тазалау имараты жаздық кезеңде 115 мың, жауан-шашын кезеңдерде 160-170 мың текше метр кәріз суларын тазалайды.
Жаңа қосымша имараттың жобасының техникалық-экономикалық негіздемесі әзірленді. Жоба ауқымды болуына байланысты жобалау және құрылыс жұмыстарын мемлекеттік-жекешелік әріптестік арқылы жүргізуге инвесторларға ұсыныс берілуде.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
