Альварес Головкинге қарсы жекпе-жектен неге бас тартқанын түсіндірді

0
1 286

​Мексикалық боксшы Сауль Альварестің мүддесін қорғайтын Golden Boy Promotions промоутерлік компаниясы Невада штатының атлетикалық комиссиясы Канелоның допинг сынамасына қатысты әлі ешқандай шешім шығармаса да, қазақстандық Геннадий Головкинге қарсы 5 мамырда өтетін кездесудің болмайтынын ресми түрде жариялады.


Альварес Головкинге қарсы жекпе-жектен неге бас тартқанын түсіндірді

Мексикалық боксшы Сауль Альварестің мүддесін қорғайтын Golden Boy Promotions промоутерлік компаниясы Невада штатының атлетикалық комиссиясы Канелоның допинг сынамасына қатысты әлі ешқандай шешім шығармаса да, қазақстандық Геннадий Головкинге қарсы 5 мамырда өтетін кездесудің болмайтынын ресми түрде жариялады,-деп хабарлайды sputniknews.kz.

Қазақстандық кәсіпқой боксшы Геннадий Головкинге (37-0-1, 33 КО) қарсы екінші кездесуінің болмайтынын Альварестің (49-1-2, 34 КО) өзі де растады.

"Бұл жекпе-жектің болмайтынына көңіл-үйім түсіп, өзімді қауқарсыз сезініп отырмын. Жасыратын ештеңем жоқ, мен "таза" болғым келеді. Әлгі зат (кленбутерол) ағзамнан кездейсоқ табылғанын дәлелдеу үшін бәрін жасаймын. Көңіліме тиетіні, адамдар мені кінәлап, жала жауып жатыр. Бұдан былай осындай жайт қайталанбас үшін, мұқият шаралар қолданатын боламын", — деді мексикалық боксшы.

Головкин, өз кезегінде, хабарлағандай, келесі кездесуі Лас-Вегастағы "Синко де майо" рингінде өтеді. Алайда қазақстандық енді басқа қарсылас іздеуге мәжбүр. Оған қарсы шаршы алаңға шығуы мүмкін спортшылар — Хильберто Рамирес (37-0, 25 КО), кіші Хулио Сесар Чавес (50-3-1, 32 КО), Гэри О'Салливан (27-2, 19 КО), Деметриус Андраде (25-0, 16 КО) және Сергей Деревянченко (12-0, 10 КО).

Головкиннің промоутері Том Леффлер Билли Джо Сондерстің (26-0, 12 КО), Дэниэл Джейкобс (33-2, 29 КО) пен Хайме Мунгианың (28-0, 24 КО) кандидатураларын қабылдамады.