Астана мен Түркістан облысының кикбоксшылары күш сынасты

ERNUR.KZ Түркiстан облысындағы Астана күндерi спорттық iс-шарамен де жалғасты деп хабарлайды, ERNUR.KZ тілшісі.

Атап айтсақ, Шымкенттегі "Қажымұқан" стадионындағы шаршы алаңда кикбокстан 2002-2003 жылы туған жасөспiрiмдер арасындағы жолдастық кездесу ұйымдастырылды.

Астана қаласы мен Түркicтан облысы құрамаларының жасөспiрiм кикбоксшылары 10 салмақта кіл мықтыны анықтап, жалпы есепте екi құрама 5:5 есебiмен тең түстi.

Айта кетейік, қос команданың сапында ел чемпионатының жеңiмпаздары, халықаралық турнирлердiң жүлдегерлерi бар..

Астана командасының жаттықтырушысы Мұрат Мұстафин: «Біз ақылдаса келе кикбокс спортынан жолдастық кездесудi Оңтүстiктiң өрендерiне қарсы өткiзудi жөн көрдік», - дейді.

Сондай-ақ, алдағы уақытта да осындай жолдастық кездесулері жиі өткізіліп тұрады дейді ұйымдастырушылар.