​«Барыс» жеңісті ойынын жалғастыруда

Құрлықтық хоккей лигасының кезекті тур ойындары өтті. Онда Астананың «Барыс» командасы Словакияда «Слован» ұжымына қарсы мұз айдынына шықты, деп хабарлайды ERNUR.KZ тілшісі.

Бірінші кезеңде қақпаларға жалпы 7 соққы бағытталған болса да, есеп ашылмады.

Ал, алғашқы үзілістен кейін 48 – секундта словакиялықтар жерлестеріміздің қақпасын анық нысанаға алды. Червеный шайбаның авторы атанды. Бұл гол «Барыс» ойыншалыраның жеңіске деген құштарлығын арттырды. 27 – минутта 2 ойыншысы четтетілген «Слован» хоккейшілері өз қақпаларынан шайбаны алып шықты. Михайлис таразы басын теңестірді.

Ал, 31 – минутта Грендц «Барысқа» жеңіс келтірген голдың авторы атанды. Соңғы 3 – кезеңде 27 – соққы қақпаға бығатталды. Бірақ, есеп өзгермей «Барыс» 2:1 есебімен жеңіске жетіп, ұпайлар санын 37 ге жеткізді. «Барыс» келесі матчын 12 қараша күні сырт айдында «Сибирь» командасымен өткізеді.