ERNUR.KZ. Бүгін атақты қытайлық актер Джеки Чан XXIV қысқы Олимпиада ойындарындағы алау эстафетасына қатысып, оны Ұлы Қытай қорғанының бойымен алып жүрді, деп жазады Zakon.kz.
68 жастағы актер эстафетаның отызыншы алаушысы болды. Ол Олимпиада алауын Ұлы Қытай қорғанының ең көп келетін Бадалинг бөлігінде алып жүрді.
Джеки Чанның айтуынша, екінші рет алау ұстаушы атану ол үшін үлкен мәртебе.
Мен таңғы төртте тұрдым. Бұл менің төртінші Олимпиадам. Мен өте қуаныштымын! Сондай-ақ қатты тоңып тұрмын!Джеки Чан
Ол Ұлы Қытай қорғанындағы 10 градустық суыққа қарамастан, эстафетаға қатысушыларды қарсы алған спортшылардың, журналистердің, еріктілердің қуанышты жүздерін көргенде жүрегі жадырайтының атап өтті.
Сәрсенбі күні Бейжіңде Олимпиада алауының эстафетасы басталды. Оның бағыты 12 негізгі нүктеден тұрады. Маршрут барлық үш олимпиадалық кластер – Бейжің, Янцин және Чжанцзякоу арқылы өтеді және үш күнге созылады. 4 ақпан күні кешке алау XXIV қысқы Олимпиада ойындарының ашылу салтанатына арналған Бейжің Олимпиадалық саябағына жеткізіледі.
![](/assets/thumbnails/8a/8ab29b1086dbccae173d4a9ea4cf6b25.jpg ""Жас қыздың жетегінде жүр": күйеуі опасыздық жасаған келіншек не істерін білмей жүргенін айтты")
