Ерсұлтан Шәкенбай ММА бойынша үш дүркін әлем чемпионы атанды

25.11.2023 13:03

1 016

Жасөспірімдер арасындағы чемпионаттың ақтық сынында отандасымыз бельгиялық Ахдим Несиммен кездесіп, жеңіске қол жеткізді.

Қазақстандық файтер үшінші жыл қатарынан жеңіл салмақта аралас жекпе-жек өнері бойынша жасөспірімдер арасындағы әлем чемпионы атанды, деп жазады Zakon.kz.

Сондай-ақ, аталған жарыста қыздар арасында бірінші орынды Жанна Қасқынова иеленді. Ол тұншықтыру техникасын қолдану арқылы шешуші кездесуде жеңіске жетті.

Жалпы есепте Қазақстан бір ұпай айырмашалықпен Украинадан кейін екінші орынға орнықты. Топ-3 үздіктер құрамасын Тәжікстан спортшылары түйіндейді.

Биыл ақпан айында Ерсұлтан Шәкенбай екі дүркін әлем чемпионы атанған болатын.