"Қайрат" 20 жастағы шабуылшымен келісімшарт жасады

ERNUR.KZ. Алматылық "Қайрат" жас шабуылшы Айбар Абдулламен келісімшартты ұзартты, деп жазады Vesti.kz.

20 жастағы шабуылшымен жаңа келісімшарт 2023 жылдың соңына дейін жасалды. Егер екі тарап та келісетін болса шартнаманы тағы бір жылға созуға болады.

Биыл Абдулла "Қайрат-Жастар" командасы сапында Бірінші лигада төрт кездесу өткізіп, үш гол соғып, бір нәтижелі пас берді.

2020 жылы шабуылшы "Қайрат" командасының неігзгі құрамында екі мәрте шаршы алаңға шықты. Бірақ ол ойындарда шабуылшы нәтижелі әрекетімен көзге түсе алмады.