Қазақстандық футболшы бір матчта 7 гол соқты

ERNUR.KZ. "Тұран" жастар командасының ойыншысы Бақдәулет Зүлфиқаров "Aqtobe City" клубына қарсы ойында 7 гол соқты, деп жазады Tengrinews.kz.

Екінші лиганың матчы 7-1 есебімен "Тұранның" пайдасына аяқталды, алаң иелері сапындағы барлық голды түркістандық команданың 21 жастағы шабуылшысы соқты.

Зүлфиқаров "Тұранның" негізгі құрамында үш ойын өткізді - біреуі ҚПЛ-да және екеуі ел кубогында.

Еске салайық, өткен маусымда Бақдәулет Беларусьтің "Энергетик-БГУ" клубында өнер көрсетіп, төрт матчта бір гол соққан болатын. Қазақстанның бірінші және екінші лигаларында "Академия Оңтүстік" пен "Қыран" командаларында ойнаған.