Артем Кучинді (Қарағанды) жылдың соңына дейін ҚФФ өткізетін барлық деңгейдегі матчтан шеттету туралы шешім қабылданды.
ERNUR.KZ. 17 маусым күні ҚФФ-ның Төрешілік-сараптамалық комиссиясы мен Төрешілер комитетінің онлайн жиыны өтті, деп жазады inform.kz.
ҚФФ баспасөз қызметінің мәліметінше, төрешілік-сараптамалық комиссия QFL Премьер-лигасының 2024 жылғы маусымының 11-турындағы «Астана» мен «Ордабасы» командалары арасында тіркелген даулы эпизодты талқылады.Сондай-ақ аталған комиссия бейнематериалдарға сүйене отырып, бірауыздан келесі шешімді қабылдады:
– Төреші Артем Кучиннің матчтың 34-минутында қарсыласын арқасынан итеріп жібергені үшін «Ордабасы» командасының қақпасына пенальти белгілемеу туралы шешімі қате деп танылсын.
Төрешілер комитетінің отырысында бір маусымда бір командаға қарсы жіберілген екі шешуші қателіктен кейін Премьер-лиганың төрешісі Артем Кучинді (Қарағанды) жылдың соңына дейін ҚФФ өткізетін барлық деңгейдегі матчтан шеттету туралы шешім қабылданды.
![](/assets/thumbnails/8a/8ab29b1086dbccae173d4a9ea4cf6b25.jpg ""Жас қыздың жетегінде жүр": күйеуі опасыздық жасаған келіншек не істерін білмей жүргенін айтты")
