ПСЖ командасы Мессидің болашағына байланысты шешім қабылдады

ERNUR.KZ. Франциялық "Пари Сен-Жермен" командасы аргентиналық шабуылшы Лионель Мессимен келісімшартты ұзартуға ниетті, деп жазады vesti.kz.

Шабуылшының қазіргі келісімшарты 2023 жылдың жазында аяқталады. Бірақ, париждік команданың басшылары футболшының өкілдері қазірдің өзінде келісімшартты бір маусымға, яғни 2024 жылғы маусымның соңына дейін ұзартқысы келетінін айтқан.

Месси болса өзінің болашағына байланысты нақты шешімді Катарда өтетін әлем чемпионатынан кейін шығармақшы. Әлем біріншілігінде ол өзінің психологиялық және физикалық жағдайы қандай екенін біліп алу керек.

ПСЖ тарапынан Мессиге келісімшартты ұзарту туралы ресми ұсыныс әлі түспеген. Алайда, клуб басшылары нақты шешім қабылдап қойған.