Сәкен Бибосынов қарсыласын нокдаунға жіберді

16.04.2025 16:23

181

Сәкен Бибосынов — 2021 жылғы әлем чемпионы және Токио-2020 Олимпиадасының қола жүлдегері.

ERNUR.KZ. Бокстан Қазақстан құрамасының көшбасшыларының бірі Сәкен Бибосынов Хабаровск қаласында (Ресей) Константин Коротковты еске алуға арналған халықаралық турнирдің алғашқы айналымында жеңіске жетті, деп жазады inbusiness.kz.

54 келіге дейінгі салмақ дәрежесінде өнер көрсететін Бибосынов ресейлік Құрбан Байрамбековпен кездесіп, төрешілердің бірауыздан шығарған шешімімен жеңіске жетті.

Екінші раундта Сәкен қарсыласын нокдаунға жібергенін де айта кетейік.

Сәкен Бибосынов — 2021 жылғы әлем чемпионы және Токио-2020 Олимпиадасының қола жүлдегері. Сонымен қатар, Азия чемпионаттарында күміс және қола медальдарға ие болған.

Естеріңізге сала кетейік, бұған дейін Хабаровскіде Қазақстан мен Өзбекстан боксшылары арасында жекпе-жектер өткен еді. Атап айтқанда әйелдер арасындағы 75 келіге дейінгі салмақта Шұғыла Нәлібай өзбекстандық Азиза Зокироваға жол берді. Ал ерлер арасындағы 71 келіге дейінгі салмақта Фарух Тохтасунов Асилбек Абдурахмановқа есе жіберді.

Сондай-ақ 75 келі салмақта отандасымыз Анастасия Баязитова Тунис спортшысына жол берді. 51 келіде Бекзат Алдамжаров 1:4 есебімен Амиршо Жалоловтан жеңіліс тапты. Ал, тәжірибелі Теміртас Жүсіпов қарсыласын 5:0 есебімен жеңіп, келесі айналымға өтті.