Бас дәрігер балама қандай дәрі жазып беретінін де білмейді (видео)

ОҚО Ордабасы ауданындағы Бадам ауылының тұрғыны Гүлмира Аманжолова жергілікті дәрігерлерге наразылығын білдірді, деп хабарлайды ERNUR.KZ. sn.kz порталына сілтеме жасап.

Оның айтуынша, ақ халаттылар науқастарға салғырт қараса, бас дәрігер орнында отырмайтын көрінеді.

Дәрігерді жарты сағат күттім деген ол қаңырап бос тұрған кабинетті видеоға түсіріп, кішкентай баласының науқас екенін айтады.

«Ауруханаға ауырып әрең келесің. Дәрігерлер орындарында отырмайды. Жарты сағат болды күткеніме. Баламның аяғы қақсап, ауырып әзер келдік. Ауруға қандай дәрі жазып беретіндерін де білмейді. Әркімнен сұрап жүреді. Тағы бұны бас дәрігер деп айтады. Дым білмейді» дейді ашуға булыққан тұрғын.

Ал желі қолданушылары әйелдің сөзін растап, мұндай жағдай көп емханаларда кездесетінін жазуда.