Бекзат Саттархановтың әкесі өмірден озды

Бокстан Сидней Олимпиадасының чемпионы, қыршын кеткен қазақтың талантты ұлы Бекзат Саттархановтың әкесі Сейілхан Саттарханов өмірден озды, деп хабарлайды ERNUR.KZ.

Сейілхан Саттарханұлы 1949 жылы 19-шы қыркүйекте Түркістанда дүниеге келген. 1970 жылы Сырлыкүл анамен отау құрып, 4 баланы өмірге әкелді. Ұлдарының есімдерін атап айтсақ: Саттархановтар Бағдат, Болат, Мақсат, Бекзат сынды ұлдарды тәрбиелеп өсірді.

Осы уақыт аралығында 30 жылдан астам медицина саласында фельдшер қызметін атқарып, 2000-2013 жылдар аралығында Бекзат мөлтек ауданының әкімі болып, қызмет атқарды. Бүгінгі таңда Бекзат мөлтек ауданында ақсақалдар кеңесінің төрағасы.

ERNUR.KZ ұжымы Сейілхан Саттарханұлының отбасына қайғырып көңіл айтады.