Түркістан облысы эпидемиологиялық ахуал бойынша "жасыл аймақта"

Түркістан облысы эпидемиологиялық ахуал көрсеткіші бойынша "жасыл аймақта", - деп хабарлайды ERNUR.KZ.

ҚР ДСМ-ң эпидемиологиялық ахуалды бағалау көрсеткіштері бойынша Түркістан облысы «жасыл аймаққа» енгізілген. Бүгінгі таңда облыс бойынша 2021 жылдың 1-12 қаңтар аралығында COVID-19 расталған 117-жағдай тіркеліп отыр. Ол 100 мың халыққа шаққандағы интенсивтік көрсеткіш 5,8 құрады. Оның ішінде симптомдармен - 27, симптомдарсыз-90 жағдай тіркеліп, пневмония ауруымен 57 науқас анықталды. Бұл туралы Өңірлік коммуникациялар қызметінде өткен брифингте облыстың бас санитариялық дәрігері Нұрбек Нышанов баяндады.

«Эпидемияға қарсы атқарылып жатқан іс-шараларға тоқталар болсақ, «COVID-19» зертханалық расталған 117 науқас бойынша 59 ошақ анықталып, барлығында дезинфекциялық, эпидемияға қарсы іс-шаралар жүргізілді. Ошақтардағы қарым-қатынастағылар саны - 313. Сонымен қатар, мобильді топтармен жүргізілген мониторингтік жұмыстарының нәтижесі бойынша, 1-12 қаңтар аралығында 2 254 нысан қамтылып, 171 айыппұл тіркелді. Оның ішінде ҚР ӘҚБ Кодексінің 425 бабының 1 тармағымен 168 жеке тұлғаға - 30 АЕК көлемінде (7 350 840 тг), 3 жеке кәсіпкерге - 230 АЕК ( 1 006 365 тг) көлемінде айыппұлдар салынды»,- деді Нұрбек Садықбекұлы.

Сондай-ақ, брифингке қатысқан облыстық Қоғамдық денсаулық басқармасы басшысының орынбасары Нұрхан Нарымбетова облыс бойынша 610 инфекциялық және 340 карантиндік төсек-орын ұйымдастырылғанын айтты.

«Бүгінгі таңға, инфекциялық төсек-орындар санының жүктемесі – 18,2% Карантиндік төсек-орынның жүктемесі - 10% (33 адам). Коронавирустық инфекцияның әр түрлі сценарийіне байланысты инфекциялық төсек-орындар санын 5 610-ға дейін ұлғайтуға мүмкіндік бар»,- деді басқарма басшысының орынбасары.