Түркістандық тұрғын өзен жағасынан 4 граната тауып алды

Балық аулаға барған келестік тұрғын граната тауып алды, деп хабарлайды ERNUR.KZ.

Келес ауданының тұрғыны полиция қызметкерлеріне 4 дана РГД-5 жарылғыш затын тапсырды. Ол бұл жарылғыш заттарды өзен бойынан тауып алған.

Балық аудауға шыққан тұрғын заңсыз сақталған атыс қаруын, оқ-дәрілер мен жарылғыш заттарды полицейлер сатып алып жатқанын естіп, бірден бөлімге алып барған және өткізген жарылғыш затқа сыйақы беруін сұраған. Қазір оқиғаның мән-жайы анықталып жатыр.

Айта кетейік, 25 сәуірден бастап Түркістан облысы аумағында заңсыз сақталған атыс қаруын, оқ-дәрілер мен жарылғыш заттарды сатып алу бойынша акция өтіп жатыр.