Әлемнің 20 елі Ұлыбританиямен арадағы әуе қатынасын тоқтатты

ERNUR.KZ. Коронавирустың жаңа мутациялық штамының таралуына байланысты әлемнің 20 елі Ұлыбританиямен арадағы әуе қатынасын уақытша тоқтатты, деп хабарлайды Хабар24.

Олардың қатарына Нидерланд, Бельгия, Франция, Ирландия, Израиль, Германия, Италия, Литва, Латвия, Эстония, Австрия, Болгария, Түркия, Швейцария, Хорватия, Финляндия, Марокко, Канада, Аргентина кіреді.

Сауд Арабиясы шекараны толығымен жабу туралы шешім қабылдады. Ұлыбританиямен арадағы рейстерді тоқтату туралы мәселе Швеция мен Үндістанда шешілуде.

Сонымен қатар Чехия мен Грекия Ұлыбританиядан келетіндерге міндетті карантин енгізді, ал Испанияда Ұлыбританиядан келгендерде коронавирус тестінің болуын бақылауды күшейту туралы шешім қабылданды.