ЕАЭО мен Қытай цифрландырудың маңызды элементтерін бірлесіп ілгерілетіп жатыр

ЕАЭО мен Қытай цифрландырудың маңызды элементтерін бірлесіп ілгерілетіп жатыр.

"Біз Қытаймен интеграция туралы ортақ түсінікке дереу қол жеткіздік. Бұл түсіністік ашықтық, өзара құрмет, теңдік, сондай-ақ әртүрлі интеграциялық алаңдарда ынтымақтастық негізінде қалыптасады", - деп мәлімдеді ЕЭК министрі.

Оның айтуынша, нормативтік-құқықтық база қалыптасып, қазіргі ЕАЭО мен ҚХР арасындағы сауда-экономикалық ынтымақтастық туралы келісім, сондай-ақ оның негізінде құрылған тетіктер әрекет етуші құралға айналды. Құжатта қамтылған ережелерді жүзеге асыру өзара сауданың өсуіне ықпал етеді, аймақішілік байланысты арттырады, сондай-ақ кооперациялық ынтымақтастықты дамыту мүмкіндіктерін күшейтуге ықпал етеді.

"Әрине, осы келісім ғана емес, тұтастай алғанда бір-бірімізг деген қозғалыс 2019 жылдан 2023 жылға дейінгі кезеңде өзара сауданы екі еседен астам арттыруға мүмкіндік берді", - деді Андрей Слепнев.

Осы орайда ол 2024 жылғы сәуірде Бейжіңде өткен Бірлескен комиссияның төртінші отырысы барысында көлік дәліздерін цифрландыру, техникалық реттеу, кедендік ынтымақтастық, санитарлық және фитосанитарлық шаралар, сондай-ақ, өзара іс-қимыл саласындағы ынтымақтастықты тереңдету, электрондық коммерция бойынша мазмұнды келісімдерге қол жеткізілгенін айтты.