ЕуроОдақ бюджет тапшылығына байланысты жеті елге қатысты тергеу бастады

ЕуроОдақтың хабарлауынша, бюджет тапшылығы білінген елдердің жалпы ішкі өнімі өткен жылы 4 пайыздан жоғары болған.

"Бюджет тапшылығына тап болған елдер қатарына Бельгия, Франция, Италия, Венгрия, Мальта, Польша және Словакия кірді. Олардың барлығында өткен жылы жалпы ішкі өнімнің 4 пайызынан жоғары бюджет тапшылығы білінді. Ал ЕуроОдақ ережелері бойынша максималды рұқсат етілген мән 3 пайыз”, – делінген хабарламада.

Осылайша, Бельгияның 2023 жылға арналған бюджет тапшылығы жалпы ішкі өнімнің 4,4 пайызын, Польшада - 5,1 пайыз, Францияда - 5,5, Италияда - 7,4 пайыз болды. Бұл көрсеткіштер зерттеліп жатқан жеті елдің ішіндегі ең жоғарысы.

Хабарламаған сәйкес, жыл соңына дейін Еурокомиссия ЕуроОдаққа мүше елдерге "олардың тапшылығын түзету үшін тиімді шаралар қабылдау" ұсыныстарының тізімін жасауы керек.

"Ұсыныстарда сандармен көрсетілген түзету бюджеттік курсы және оларды орындау мерзімі болуы мүмкін", – деп түсіндірді ЕуроОдақ кеңесі.

Ал “Бірыңғай әмиян” қараша айында жаңа ұсыныстар тапсырады.

2024 жылдың сәуірінде Еуропалық парламент ЕуроОдақтың фискалдық ережелерінің реформасын мақұлдады. Өзгерістердің арқасында қарызы жоғары мүше-мемлекеттер қарыз бен бюджет тапшылығын азайтуда үлкен икемділікке ие болады.

Жаңа ережелерде жалпы қарыз жалпы ішкі өнімнің 60 пайызынан аспауы керек деген талап сақталады. Ал сыртқы қарызы 90 пайыздан асатын мемлекеттер жыл сайын оның коэффициентін 1 пайыздық тармаққа төмендетуге міндетті болады. 60-90 пайыз көрсеткіші бар мемлекеттер – 0,5 пайыздық тармаққа.