Газдың жарылуынан төрт қабатты тұрғын үй қирап қалды (видео)

20.11.2018 14:28

1 740

Жойқын жарылыс таңғы сағат алтыда орын алған.

ERNUR.KZ. Төтенше оқиға Әзірбайжанның батысындағы Гянджа қаласында болған. Газдың шығып кетуінен жарылыс болып, төрт қабатты тұрғын үй қирап қалды, деп жазады sputniknews.kz.

Оқиға салдарынан төрт пәтер бұзылған, олардың екеуінде отбасы тұрып жатқан. Жойқын жарылыс таңғы сағат алтыда орын алған, ол кезде үйде адамдар болыпты.

Құтқарушылар үйінді арасынан қаза тапқан бір адамның денесін алып шықты. Тағы 21 жастағы жігіт құтқарылған, ол ауыр халде жатыр.

Басылым хабарлағандай, үйінді астында екі отбасы қалған. Оқиға орнына арнайы техника жіберіліп, құқық қорғау органдарының қызметкерлері жұмыс істеп жатыр.