Қас-қағым сәтте болды: Израильде діни мереке кезінде 44 адам қаза тапты

ERNUR.KZ. Израильде Мерон тауында өткен Лаг ба-Омер мерекесі кезінде адамдардың жаппай жиналуы салдарынан қайғылы оқиға орын алды. Адамда бір-бірінің үстіне құлап, дүрбелең басталған, деп жазады Stan.kz.

Мерекеде адамдар арасында дүрбелең басталған, салдарынан 44 адам қаза тауып, 150-дей адам зардап шеккен. Израильдің денсаулық сақтау министрлігінің мәліметінше, жәбірленушілердің алтауы аса ауыр халде, тағы 18-нің жағдайы ауыр.

Премьер-министр Нетаньяху бұл оқиғаны қорқынышты апат деп атап, осы қайғылы жағдайдың құрбандары үшін дұға еткенін айтты.

Бастапқыда БАҚ трубиналар құлап, дүрбелең басталғанын хабарлады.

Оқиға орнында фельдшерлер мен құтқарушылар жұмыс істеп жатыр, IDF сарбаздары тартылды. Ең ауыр жарақат алғандарды тікұшақтар эвакуациялады.

Оқиға орнынан түскен хабарларға қарағанда, жиналғандардың көпшілігі жақындарына хабарласқысы келеді, бірақ мобильді желілер дұрыс істемей тұр.

Полиция дереккөздерінің мәліметінше, жағдай мерекенің бірнеше қатысушылары баспалдақтан тайып кеткеннен кейін басталғанын, содан кейін тағы ондаған адам жерге құлаған.

"Бәрі бір сәтте болды. Адамдар құлап, бір-бірін баса бастады. Бұл апат болды", - дейді газет куәгерлердің бірі.

Интернетте жарияланған видеоларда мыңдаған адамдар кенеттен қозғала бастап, жүгіруге тырысқандары көрінеді.

Жиналғандарды дауыс зорайтқыштар тынышталуға шақырған. Бұл мерекеге қатысушылардың біріне бомба қойылғаны туралы ескертуге ұқсаған.

"Мұндай жағдай болуы мүмкін деп ешкім ойламады. "Қуаныш аза тұтуға, ал жарық қою қараңғылыққа айналды", - деді ер адам Израильдің 12-ші телеарнасына берген сұхбатында.

"Мыңнан астам адам бір уақытта өте, өте тар өткелден түсуге тырысты және бір-біріне қарай құлай бастады", - деді Би-би-Сиге Еврей православиелік сайтының тілшісі Бехадрей Харедим Янки Фарб.

Айта кетейік, мереке вирусқа қарсы шектеулерге қарамастан өткізілген.

Лаг ба-Омер мерекесі - жыл сайын II ғасырда өмір сүрген әйгілі еврей заң шығарушыларының бірі - рабби Шимон бар Иохайдың жерленген жерінде өтеді. Ол каббалистік ілімнің негізін қалаушы болып саналады. Бұл кезде адамдар от жағып, ән айтып, би билейді.