Кремльге дрондармен шабуыл жасалды

"Екі ұшқышсыз ұшатын аппарат Кремльге шабуылдады. Әскерилер мен арнайы қызметтердің дер кезінде қабылдаған шараларының нәтижесінде радиолокациялық күрес жүйелері арқылы аппараттар істен шығарылды", - деп мәлімдеді Путин әкімшілігі.

Ведомствоның мәліметінше, шабуылдан ешкім зардап шеккен жоқ. Ресей президентінің жұмыс кестесі өзгермеген.

Ұшқышсыз аппараттар шабуыл жасаған кезде Путин Кремльде болмаған. Ол Мәскеу түбіндегі Ново-Огаревтегі резиденциясында болды, деп хабарлады оның баспасөз хатшысы Дмитрий Песков.