Пандемия кезінде Лего компаниясының саудасы қызған

ERNUR.KZ. Пандемия кезінде бүкіл әлем бойынша көптеген компания шығынға белшеден батқаны белгілі, деп жазады 24.kz.

Бірақ індет уақытында табысы көбейіп, байи түскен кәсіпорындар да жоқ емес. Соның бірі – Лего ойыншықтарын шығаратын компания. Жыл қорытындысын жариялаған ол 1миллиард 600 миллион доллар таза табыс тапқан.

Өйткені былтыр сауда көлемі 21%-ке артқан. Компания өкілдерінің айтуынша, мұны ковидпен немесе шектеу шараларымен байланыстыруға болмайды.

«Бұл ең алдымен көп жылдар бұрын онлайн-саудаға жасалған стратегиялық инвестициялардың жемісі», - дейді олар. Себебі, карантиндік шектеулер кезінде ресми сайтқа кірушілер саны екі есеге артыпты.