Цукерберг пен әйелі зорлық жасады деп айыпталды - БАҚ

ERNUR.KZ Facebook басшысы Марк Цукерберг пен оның жұбайы Присцилла Чанның бұрынғы қызметкерлері ерлі-зайыпты жыныстық зорлық жасады деп сотқа шағымданды, - деп жазады Tengrinews.kz.

NBC телеарнасының хабарлауынша, 2017 жылдан 2019 жылға дейін Джон Доу үй шаруасын басқарушы ретінде қызмет атқарған. Сондай-ақ, Миа Кинг 2018 жылдан 2019 жылға дейін Limitless Specialty Services LLC компаниясында жұмыс істеген. Ол ерлі-зайыптының қауіпсіздігін қамтамасыз еткен.

Отбасы мүшесі Бен ЛаБолт айыптауды жоққа шығарып, дәлелдеу мүмкін емес екенін айтты.

"Отбасылық кеңседе жұмыс істейтін мамандармен мақтанамыз. Әріптестерімізді әділетсіз қорлаған айыптаулар сәтсіз болатынына сенеміз", - деді ол.

Телеарнаның хабарлауынша, қазір сот іс бойынша ешқандай тыңдалым тағайындаған жоқ.

Айта кетейік, Facebook кейінгі кезде қатты қысымға ұшыраған еді. Бұған дейін компанияның бұрынғы қызметкері Wall Street Journal-да ашылған мақалалардың негізі болатын, корпорацияда жүргізілген зерттеулердің көшірмелерін сақтаған. Хауген әлеуметтік желіні арандатушы мазмұнды әдейі таратып отыр деп айыптаған.

Марк Цукерберг өз кезегінде Facebook-тің ішкі қызметі туралы бұрынғы қызметкерлерінің жариялаған мәліметтері компанияның жалған бейнесін жасаудың келісілген әрекеті екенін айтқан.