Түркімен әйелдері 8 наурызға 11 доллардан сыйлық алады

фото: shnyagi.net

Түркіменстан президенті Халықаралық әйелдер күніне орай 2018 жылдың 1-6 наурыз аралығында меншік түріне қарамастан мекемелер мен кәсіпорындарда еңбек ететін әйелдерге Түркіменбасының атынан салтанатты түрде 40 манат ақшалай сыйлық табыстау туралы қаулыға қол қойды, - деп хабарлайды turkmenistan.gov.tm.

Сыйлық зейнеткерлер, мемлекеттен әлеуметтік жәрдем алатын, өндірістен қол үзіп аспирантурада, докторантура мен клиникалық ординатурада оқитын қыз-келіншектерге және Түркіменстан президенті жанындағы мемлекеттік қызмет Академиясының екі жылдан кем емес таңдаушылары болған, студенттерге тіпті мектеп оқушылары мен бала-бақшадағы қыздарға да табысталады.