Түркияда 5 жұлдызды курорттық қонақүй өртенді: туристер шығарылды

ERNUR.KZ. Зардап шеккендер жоқ, бірақ туристер қоныс аударуы керек. Өрттің шығу себептері анықталып жатыр. Қайғылы жағдай Pemar Beach 5* қонақүйінде болды, деп жазады tengritravel.kz.

Туристер әлеуметтік желілерде өрт таңғы сағат 4-те басталғанын жазды. Жарияланған суреттерге сүйенсек, өрт қонақүйдің техникалық бөлігінде, аулада болған. Қонақүйдегі туристердің ешқайсы зардап шеккен жоқ.

Алайда эвакуация қажет болды. Туристердің басқа қонақүйлерге көшетіні айтылды.

Өрттің шығу себептері анықталып жатыр. Бір нұсқасы - қысқа тұйықталу сияқты техникалық мәселелер. Бірақ қасақана жасалған болуы мүмкін деген болжам да бар.