Украинада қазақстандықтардың жеке деректерін таратқан сайт анықталды

ERNUR.KZ. Украинада қазақстандықтардың жеке деректерін жариялаған сайт анықталды, деп хабарлайды Inbusiness.kz.

Сайтта Украина, Молдова, Беларусь, Қазақстан және ТМД-ның басқа да елдерінің 200 миллионға жуық азаматының телефон нөмірлері, аты-жөні,тіркелген жері туралы дерек жарияланған.

"Алдын алу шаралары азаматтардың жеке деректерін заңсыз таратумен айналысқан адамдар мен қылмыстық топтарды анықтауға, сондай-ақ Украинаның жеке деректер саласындағы заңнамасын бұзған кәсіпорындар, мекемелер мен ұйымдарды анықтауға бағытталған. Бірлескен іс-қимылдар нәтижесінде осындай бір ірі веб-ресурстың қызметі тоқтатылды", – деп жазылған ресми мәлімдемеде.

Сондай-ақ сайтта автокөліктерді пайдалануға байланысты әкімшілік қызметтер туралы ақпарат табылған. ІІМ полициясы осы іс бойынша тергеу басталғанын хабарлады.