Үндістанда 40-тан аса адам су тасқыны мен көшкіннің құрбаны болды

ERNUR.KZ. Үндістанда су тасқыны мен қатты көшкін салдарынан 40-тан аса адам қайтыс болды, - деп жазады Tengrinews.kz.

Үндістанның солтүстігіндегі Уттаракханд штатында 46 адам қайтыс болды, 11 адам жоғалып кетті. Сенбіде су тасқыны басталған Оңтүстік Керала штатында қаза тапқандар саны 39-ға жетті.

Зардап шеккен аудандарда түсірілген фотосуреттер мен видеоларда су басқан жолдар мен ауылдар көрінеді.

"Су тасқынына байланысты көп мөлшерде шығын келді, дақылдарға зиян келді. Жергілікті тұрғындар көп проблемаға тап болды, жолдарды су басқан, көпірлерді су шайған. Мүмкіндігінше, жағдайды тезірек қалыпқа келтіруге тырысамыз", - деді Уттаракхандтың бас министрі Пушкар Сингх Дхами.

Штат билігі мектептердің жабылғанын хабарлады және діни, туристік қызметке тыйым салды.

Үндістанның метеорологиялық басқармасы қауіпті ауа райын ескертіп, қатты нөсер болуы мүмкін екенін хабарлады.