Жаһандық жылынудың салдарынан бірнеше ел жер бетінен жоғалып кетуі мүмкін

ERNUR.KZ. Жаһандық жылыну салдарынан мұздың еруіне және теңіз деңгейінің көтерілуіне байланысты бірнеше аралдық мемлекеттердің жойылуына әкеледі, деп жазады azattyq-ruhy.kz.

Климаттың өзгеруіне әсер етуі мүмкін аумақтардың қатарына Кирибати, Тувалу және Маршалл аралдары жатады. Кирибатидегі Сlimate Action Network жаһандық үкіметтік емес ұйымдар желісінің үйлестірушісі Пелениза Алофаның айтуынша, Глазгодағы БҰҰ саммиті аралдағы мемлекет үшін өте маңызды оқиға. Ол теңіз деңгейінің көтерілуі мен тропикалық дауылдардың күшеюі аймақтың халқы мен ауыл шаруашылығына қауіп төндіретінін еске салды.

"Бұл бір реттік оқиғалар туралы емес. Бұл біздің үйлерімізді толығымен жұтып қоюға қауіп төндіретін табиғи құбылыс", - деді Алофа.

Басылымның мәліметінше, Кирибатидің бұрынғы президенті Аноте Тонг Глазгодағы COP26 саммитінде сөйлеген сөзінде климаттың өзгеруі өз елі үшін қандай қауіп-қатерлер туғызатыны туралы айтты. Ол сонымен бірге Австралияның осы саладағы саясатын сынға алды.

Ғалымдар жаһандық жылынудың теріс әсерін азайту үшін жер бетіндегі температураның көтерілуін бір жарым-екі градусқа дейін шектеу керектігін бірнеше рет атап өтті. Бұл үшін 2015 жылы Париж келісіміне 190-нан астам мемлекет қол қойды, онда осы мақсатқа жету үшін нақты іс-қимыл жоспары қарастырылған. Құжат қазбалы отыннан толық бас тартуды білдірмейді, бірақ елдер парниктік газдар шығарындыларын азайту және жаңартылатын энергия көздеріне көшу бойынша шаралар қабылдауы керек.